Breaking News

மாற்றுத் திறன் மாணவர்களின் 10ஆம் வகுப்புத் தேர்வை ரத்து செய்து, அனைவரும் தேர்ச்சி என அறிவிக்க வேண்டும்! : மமக கோரிக்கை

மாற்றுத் திறன் மாணவர்களின் 10ஆம் வகுப்புத் தேர்வை ரத்து செய்து, அனைவரும் தேர்ச்சி என அறிவிக்க வேண்டும்!

மனிதநேய மக்கள் கட்சித் தலைவர் பேராசிரியர் எம்.எச்.ஜவாஹிருல்லா வெளியிடும் அறிக்கை:

கோவிட் 19 நோய் பரவல் காரணமாக 10ஆம் வகுப்பு மாணவர்கள் அனைவரும் தேர்ச்சி என தமிழக அரசு அறிவித்தது. ஆனால் 10ஆம் வகுப்பு தேர்வு எழுதவிருந்த மாற்றுத் திறன் மாணவர்கள் சுமார் ஆயிரம் பேர் இதில் சேர்க்கப்படாமல் விடுபட்டுள்ளனர். இதனால் வரும் திங்கள் (21.09.2020) அன்று மாற்றுத் திறன் மாணவர்கள் 10ஆம் வகுப்பு தேர்வை எழுத வேண்டும் என அறிவிக்கப்பட்டுள்ளனர். இதுகுறித்து மாணவர்களின் பெற்றோர்கள் தமிழக அரசிடம் கோரிக்கை விடுத்தும் தமிழக அரசு செவி சாய்க்கவில்லை.

தமிழக அரசின் இந்த செயல் பாரபட்சமாக உள்ளது. எனவே தமிழக அரசு உடனடியாக இதில் தலையிட்டு, திங்கள் அன்று நடத்தத் திட்டமிடப்பட்டுள்ள 10ஆம் வகுப்பு மாற்றுத் திறன் மாணவர்களுக்கான தேர்வை ரத்து செய்து அனைவரும் தேர்ச்சி என அறிவிக்க வேண்டுமென மனிதநேய மக்கள் கட்சி சார்பாகக் கேட்டுக்கொள்கிறேன்.

இப்படிக்கு,
எம்.எச்.ஜவாஹிருல்லா
தலைவர்
மனிதநேய மக்கள் கட்சி

Check Also

வீடுகளில் கருப்பு கொடி ஏற்றி விவசாயிகள் போராட்டம்: மனிதநேய மக்கள் கட்சி ஆதரவு!!

மனிதநேய மக்கள் கட்சி தலைவர் பேரா.எம்.எச்.ஜவாஹிருல்லா எம்.எல்.ஏ. வெளியிடும் அறிக்கை: வேளாண் சட்டங்களை திரும்பப் பெற வலியுறுத்தி விவசாயிகள் 6 …

Leave a Reply

Your email address will not be published. Required fields are marked *